المقادير " عجينة المناقيش" :-
- 2 و نص كوب دقيق
- معلقة صغيرة من الخميرة الفورية
- معلقة صغيرة من السكر
-معلقتين كبار زيت زيتون
- رشة ملح
- تقريبا كباية من المية الدافية
الطريقة:-
-نبدأ برشة ملح علي الدقيق و نقلب ثم قومي بوضع معلقة صغيرة من الخميرة الفورية و عليها معلقة صغيرة من السكر ثم معلقتين كبار زيت زيتون
- ثم قومي بوضع المياه الدافئة حطى المية بالتدريج علشان تكونى مسيطرة علي العجينة
- ثم قومي بعجن بأيدك جيدا جدا ثم رشي قليلا من الدقيق على الرخامة و نزلى العجينة و لميها و اعجنيها شوية حلوين بأيدك يعنى تقريبا خمس دقايق
-ثم قومي بتغطية العجينة و سبيها ترتاح من ساعة لساعة و نص علشان تتخمر و يتضاعف حجمها
-بعد ما تخمرت قومي برش الدقيق علي الرخامة و نزلى العجينة و قطعيها بالسكينة أجزاء صغيرة و كل جزء من العجينة و اعملى شكل دايرة صغير و افرديها و تكون ايدك فيها زيت الزيتون
-ثم قومي بتحضير صينية فرن و ادهنيها زيت زيتون و رصى دواير العجين
حشو المناقيش بالزعتر...
- 4 معالق زعتر ناشف و عليهم معلقة كبيرة سمسم و معلقة كبيرة سماق ( دة توابل هتلاقيها فى السوبرماركت أو العطار) و عليهم معلقتين كبار من زيت الزيتون ثم قومي بخلطهم جيدا بأيدك
- قومي بوضع حشو الزعتر على العجين و دوسى كويس علشان يمسك فى العجينة و ميقعش
المناقيش بالجبنة...
- هيكون جبنة فيتا. . أو أى جبنة تانية زي ما تحبي ثم قومي بوضع الجبنة على العجين و اضغطى جيدا و آخر حاجة جبنة موتزاريلا من فوق
- دخليهم بقى فرن سخن على درجة 180 تقريبا من 12 الي 13 دقيقة لما تلاقى الجبنة ساحت و من تحت العجينة اخدت لون خفيف
- بعد ما طلعتها من الفرن قومي بوضع بقدونس و بكدة تكون خلصت و بالهنا و الشفا
ليست هناك تعليقات:
إرسال تعليق