المقادير:-
-طبق لحمة استيك (انتركوت)
- رأس ثوم و لفيها فى فويل و تدخل الفرن
على أعلى درجة نص ساعة
- 6 معالق صغيرة مليانة من الزبدة
- معلقة صغيرة روز مارى فرش أو مجفف
- معلقة صغيرة زعتر ناشف أو فرش
- معلقتين كبار من البقدونس المقطع صغير
- معلقة زيت زيتون
-ملح
الطريقة...
- قومي بوضع الثوم المشوى
و ضعيه فى طبق و اهرسية جيدا جدا بالشوكة ثم قومي بوضع 6 معالق
صغيرة مليانة من الزبدة اهرسيهم فى بعض جيدا ثم قومي
بخلط معلقة صغيرة روز مارى و معلقة صغيرة زعتر ناشف
و معلقتين كبار من البقدونس المقطع صغير
و عليهم معلقة زيت زيتون
و ملح و استمري في التقليب
- ثم قومي بتحضير ورق زبدة و افردى الخليط بالمعلقة
ثم لفى علية ورق الزبدة علي شكل رول وقفلى علية من الجناب
مثل البومبون كدة و حطيها فى الفريزر أقل حاجة ربع ساعة
قبل الاستخدام
- ثم قومي بتحضير الستيك و ضعي عليه ملح و فلفل ثم حضري جريل سخنة على النار فوق البوتجاز و حطى اللحمة تتشوى على الجمبين تقريبا كل جمب من 3 دقايق ل 5 دقايق و بس و طلعيها فى طبق بعد كدة
- بعد تمام الشواء اخرجي قالب الزبدة بالثوم و الاعشاب من الفريزر و انزعي ورق الزبدة من علية براحة جدا ثم قطعية حلقات ثم ضعي منة على الستيك الساخن, و بكدة تكون جاهزة للاكل و بالهنا و الشفا
ليست هناك تعليقات:
إرسال تعليق