ممكن نستغني عن حاجات معينه في الميكب بحاجات بديله موجوده عندنا فالبيت ومابنكنش عارفين انها تنفع بديله ليها عشان كدا حبيت نتكلم فيها مع بعض
بديل البرايمر *********
هقولك الاول البرايمر ده هو ايه البرايمر ده لما تحطيه قبل الميكب هو اللي بيخلي الميكب ثابت معاكي ومابيخليش وشك يلمع عشان كدا لازم تحطيه قبل الميكب وخاصة اصحاب البشرة الدهنية ، وفعلا للبرايمر بديل تاني وهو اللافتر شيف اللي بيستخدمه الرجال وقت الحلاقة وده تقدري تستخدمية علي بشرتك كلها عادي جدا ماعدا بس العيون وده مش بيكون في ضرر منه لانها تعتبر المواد الموجوده فيها كلها للترطيب .
بديل الهايلايتر **********
كلنا عارفين ان الهايلايتر بقي من الحاجات اللي بتجمل معانا الميكب وكمان بتبرزه واحنا نقدر نستغني عن الهايلايتر دلوقتي ونستخدم مكانها بودره الاطفال ذي بودرة جونسون مثلا فلو حطتيها باسفنجه تحت العيون هتنور معاكي المكان جدا .
بديل زبده الشفايف *********
انتي تقدري تعملي زبده الشفايف فالبيت انتي بس هتجيبي فازلين من اي صيدلية وهتحطي عليه بواقي اي لون روج عندك وتخلطيهم مع بعض كويس اوي وهتحطيهم علي شفايفك وكدا يبقي عندك احلي زبده للشفايف.
بديل لمثبت المكياج ***********
تقدري تعملي مثبت للمكياج من البيت انتي بس هتجيبي ماء ورد وهتحطي عليه جليسرين سائل وبعدين هتجيبي فيتامين e الموجود في الصيدليه وهتاخدي كبسولتين وتفضيهم عليهم وتحطيهم في ازازه وترجيهم كويس قبل ماتستخدميه وبعد ماتخلصي الميكب بتاعك كله هترشي من رشتين علي وشك من بعيد شويه
. بديل برايمر العيون *********^^
هنجيب اي لوشن مرطب للجسم بتستخدميه وكريم اساس وفازلين بكميات متساوية وهتبدأي انك تخلطيهم كويس اوي مع بعض في علبه ، ولما تعملي ميكب قبل ماتحطي الشادو فوق الجفون هتبدأي تحطيهم وهيبقي برايمر هائل للعيون .
ليست هناك تعليقات:
إرسال تعليق